Herlaai Kursus

Goeie dag Cassie,

Ek het die eerste keer middel 2014 met jou kennis gemaak.

Sedert die eerste gesprekke het ek dadelik besef dat ek te doen het met iemand wat met gesag praat wanneer dit by die herlaai van ammunisie kom.

Dit het baie vertroue geskep. Intussen het jy by ons dorp 2 herlaai kursusse van hoogstaande gehalte aangebied. Ek het na 33 jaar se ondervinding in herlaai van ammunisie eers besef hoe min ek oor die jare geleer het. Na die bekendstelling aan jou produkte en kundigheid was my kennis op ʼn baie beter vlak.

Ek is nie nou ʼn ”Rocket Scientist” nie maar jy bied die vak so aan dat ingewikkelde tegniese aspekte maklik en logies verstaanbaar is. Die gebruik van QuickLOAD is ʼn goeie voorbeeld. Nadat ek die program gekoop het kon ek werklik nie die waarde daarvan benut nie.

Na jou kursus gebruik ek die program met groot sukses.

Die resultate wys op die teikens en in die jagveld, waar anders?

Ek sien opgewonde uit na die ontwikkeling van jou dienste en produkte.

Vriendelike groete

André van der Vyver – Ladismith (Weskaap)

Baie goeie aanbieding gisteraand. Weet wanneer n “meester” besig is om kennis te deel. Sien uit na deel 2.

Eras Reyneke
(Aanlyn opleiding vir GRT)